2013

Անցավ ևս մեկ տարի՝ 2012-ը: Այս տարին լիքն էր սպասելի ու անսպասելի իրադարձություններով, հաջողություններով ու ձախողումներով, ուրախություններով ու տխրություններով: Այս տարում մենք դիմավորեցինք "Աշխարհի վերջն"(21.12.2012) ու բարով-խերով ճանապարհեցինք այն :D 

Եկավ 2013-ը ու այն կբերի նոր ուրախություններ և տխրություններ: Ես ցանկանում եմ, որ յուրաքանչյուրի մոտ ուրախությունները գերակշռեն տխրությունները: Թող 2013-ը լինի հաճելի անակնկալների ու երազանքների իրականացման տարի: 

Բարի Գալուստ 2013 կամ "2013, please be nice to us"!!!!

Նորից սեպտեմբեր....

Նորից աշուն, սեպտեմբերի 1, դասեր ... Լրացավ ամռան ժամանակը, վերջացավ արձակուրդը և դասերը նորից սկսեցին: Ոմանք գնում են դպրոց առաջին անգամ, ոմանք՝ համալսարան, իսկ ոմանք արդեն չեն գնում :) Շնորհավոր բոլոր-բոլորի սեպտեմբերի 1-ը՝ Գիտելիքի տոնը: Հատուկ շնորհավորանքներ Լեռնաձորի դպրոցի աշակերտներին ու ուսուցիչներին! Թող այս տարին լինի բարեհաջող ու լի անակնկալներով:

Բարի գալուստ Ամառ!!!

Ամա՜ռ....Այո, այո դրսում արդեն ամառ է, շոգ է ու տոթ, բայց դա չի վերաբերում Լեռնաձորին: Այստեղ պաղ ու զով է: Հիասքանչ եղանակ հանգստանալու ամեն ինչից՝ դասերից, գործերից ու ամենօրյա հոգսերից:

Նախ մի քիչ ուշացումով շնորհավոր Երեխաների Պաշտպանության Օրը! Թող նրանք ծաղկեն, ծլեն ու բազմանան :) Նրանք են մեր ապագան, մեր պետության կայուն հիմքը ու բարգավաճման խթանիչը: Առողջություն ու կանաչ ճանապարհ բոլոր երեխաներին:

Հաջորդ կարևոր տոնը Վարդավառն է, որն այս տարի նշվում է հուլսի 15-ին: Տոնը նշվում է Սուրբ Զատիկից 98 օր հետո` հունիսի 28-ից օգոստոսի 1-ն ընկած ժամանակահատվածում: Հնում այն նվիրված է եղել ջիր և սիրո աստվածուհի Աստղիկին (Վիքիպեդիա):

Սա հիանալի տոն է ամռան շոգին թարմանալու համար: Գեթ մի օր այս ամռան շոգին կարելի է անցկացնել սառը ջրի շփումների տակ! Հուսով եմ բոլորը մեծ հաջույքով ու ուրախությամբ կանցկացնեն այս տոնը: Համոզված եմ Լեռնաձորում այն նշելու են մեծ շուքով:

Մի խոսքով բոլորին ցանկանում եմ հաճելի ժամանց ու ուրախ արձակուրդներ:
Հ. Գ. Եվ բոլորին հրավիրում ենք Լեռնաձոր՝ այստեղ անցկացնելու իրենց անմոռանալի արձակուրդը!

Ապրիլի 24

 Հայոց Ցեղասպանություն, Գենոցիդ, Հոլոքոստ, Մեծ Եղեռն․․․․․մենք այն կոչում ենք տարբեր անուներով, սակայն Թուրքիան միևնույնն է չի ցանկանում ճանաչել իր կողմից ի կատար ածված ոճրագործությունը։ Այս տարի լրացավ Հայոց Ցեղասպանության 97-րդ ամյակը։ 97 տարի առաջ Օսմանյան Թուրքիայի կողմից տեղահանության է ենթարկվել ու բնաջնջվել մի ամբողջ ազգ։ Այս կոտորածների սկիզբն է համարվում ապրիլի 24-ը, քանի որ հենց այս օրն է Կոստանդնապոլսում ձերբակալվել 250 հայազգի մտավորական (Աղբյուր՝ Վիքիպեդիա)։

 Այսօր հազարավոր մարդիկ այցելում են Ծիծերնակաբերդ՝ իրենց հարգանքի տուրքը մատուցելու 1915 թվականի 1.5 միլիոն անմեղ զոհերին։ Ապրիլի 23-ին կազմակերպվում է ջահերով երթ, որին նույնպես մասնակցում են հազարավոր մարդիկ՝ ցույց տալով, որ չենք մոռացել և երբեք չենք մոռանա այն վերքերը, որոնք դեռ ցավում են։ 

 Հազարավոր մարդիկ՝ Հայաստանում և Հայաստանից դուրս, պայքարում են, որ Հայոց Ցեղասպանությունը ճանաչվի ամբողջ աշխարհում, իսկ հայ նոր սերունդը չգիտի ինչի համար է գնում Ծիծերնակաբերդ և չի ցուցաբերում գեթ մի կաթիլ հարգանք։ Ցավալի է․․․․․ինչպես Նարեկացին է ասել "ողբամ քեզ Հայոց աշխարհ"։

մարտ, մարտ, մարտ ....

Բարև թանկագին ընթերցող!

 Վերջապես ես գտա մի փոքր ազատ ժամանակ և որոշեցի թարմացնել այս բլոգի էջերը:) Ուշացումով, բայց շնորհավորում եմ բոլոր կանանց, մայրերի և աղջիկների մարտի 8-ը: Ցանկանում եմ նրանց առաջին հերթին քաջ առողջություն, որը Լեռնաձորի բնական պայմաններին դիմակայելու համար շատ կարևոր է և երջանկություն, որը յուրաքանչյուր կնոջ երազանքն է: Առաջ անցնելով, կշնորհավորեմ նաև ապրիլի 7-ը և ընդհանրապես կանաց միամսյակը:

Photo by Anahit Gasparyan

 Այժմ այլ թեմաներից: Ճիշտ է Լեռնաձորում դեռ զգացվում է ձմռան շունչը, բայց ինչպես Վահանի Տերյանի հանրահայտ բանաստեղծությունն է ասում "Դռները բացեք, գարուն է գալիս...": Այո՛, դրսում արդեն գարուն է և հուսով եմ, որ այս փաստը բարձրացնում է մարդկանց տրամադրությունը: Բնության արթնանալը քնից պետք է որ արթնացնի ինչ-որ նոր բան նաև մարդկանց մեջ: 

Photo by Anahit Gasparyan

Եվ վերջապես Զատիկի տոնի մասին! Այս տարի այն լինելու է ապրիլի 8-ին: Համոզված եմ, որ բոլորս էլ ներկելու ենք ձվերը ու կռվենք միմյանց հետ: Սա հայերի ամենասիրված տոներից մեկն է և ցանկանում եմ, որ բոլորը ուրախ անցկացնեն այս տոները! 

Մի խոսքով այս անցած ամիսը, ինչպես նաև գալիքը հագեցած են բազմազան միջոցառումներով, ուստի վայելեք դրանք ու սկսեք նոր կյանք գարնան հետ :)))

Այսօր Սուրբ Սարգսի տոնն է

 Շնորհավոր բոլոր սիրահարների և երիտասարդների տոնը՝ հենց ինքը Սուրբ Սարգսի տոնը: Այսօր հայ եկեղեցին նշում է Սուրբ Սարգսի տոնը, որը "հայտնի է" իր աղի բլիթներով: Հենց այս օրը երիտասարդները ուտելով աղի բլիթ, պետք է երազում տեսնեն իրենց ապագա ընտրյալին, որը ջուր կբերի նրանց:
Համոզված եմ, որ Լեռնաձորում այս տոնը նշել են ամենայն պատրաստականությամբ, երիտասարդները կերել են աղի բլիթներ և տեսել իրենց ապագա միգուցե և ամուսիններին ու կանանց:
Հ.Գ. Իսկ ու՞մ սպասելիքներն են իրականացել:

Բարի Գալուստ 2012!

2012 թվականի առաջին պոստը!!!
Դե իհարկե այն կլինի Նոր տարվա մասին: Գնացինք:)
Շնորհավոոոոոոոոոոոոոր Ամանոր և Սուրբ Ծնունդ!!! Ետևում է մնացել 2011 թվականը, իր հաջողություններով, վերելքներով ու վայրէջքներով: Թող եկող 2012 թվականը լինի միայն հաջողությունների ու երջանկության տարի, բոլոր նպատակների իրականացման, զարգացման ու աճի տարի!!! Թող այս տարին Լեռնաձորը չցնցի ուրանի հանքի բացման և Քաջարան գյուղի "վերացման" մասին վատ նորություններով, այլ լինեն միայն բարեհամբույր նորություններ! Թող բոլոր Լեռնաձորցիների սեղաններից անպակաս լինեն խորովածն ու բլինչիկը, և թող բոլոր երեխաները ստանան իրենց երազած նվերները :)
Մի խոսքով, Happy New Year!!!

Գիշերային Լեռնաձոր

Վերջապես ես հասա Լեռնաձոր և պատկերացրեք եղանակը այնքան էլ վատ չէ այստեղ...ամբողջ օրը շողում էր արևը:) Ճիշտ է այստեղ դեռ չի զգացվում Ամանորի շունչը, չկան տոնածառներ և գույնզգույն լույսեր, բայց ինչպես բոլորը, Լեռնաձորցիները նույնպես պատրաստվում են Նոր Տարուն: Մի քանի նկար գիշերային Լեռնաձորից.

Ձմեռը Լեռնաձորում

 Չնայած, որ դեռ նոյեմբեր ամիսն է, Լեռնաձորում վաղուց ձմեռ է արդեն....Ձյան հաստ շերտը պատել է ամեն ինչ և շուրջբոլորը տիրում է այնպիսի ճերմակություն, որ կարծես հեքիաթում լինես! Այսպիսի զգացողություն ես ունենում, երբ առաջին ձնից հետո առավոտյան արթնանում և նայում ես պատուհանից դուրս:
 Բայց այս գեղեցկության հետ մեկտեղ գալիս է նաև ցուրտն ու սառնամանիքը: Իսկ Լեռնաձորում ամեն ինչ ավելի դժվար է...չէ, որ մենք գտնվում են սարի լանջին :) Հիշում եմ, ինչպես էինք մենք տանջվում, կանգառում սառում ժամերով, սպասում ինչ-որ տրանսպորտի` Քաջարան դասի գնալու համար, բայց հիմա այս խնդիրը լուծված է (մնում է հասնել կանգառ :)):

Մարդահամար...

 Դե ինչպես բոլորը գիտեն` բազմաթիվ "sms"-ներից ու գովազդներից, Հայաստանում հոկտեմբերի 12-21 անցկացվում էր մարդահամար: Հետաքրքիր է ինչքանով ենք պակասել, միգուցե և ավելացել? Դա արդեն պարզ կլինի արդյունքներից: "Հավաստի աղբյուրներից" կասեմ, որ Լեռնաձորում հաշվառվել է 351 մարդ: Իմ կարծիքով, վատ արդյունք չէ: Հուսաքն, 10 տարի հետո  այս թիվը նվազած չի լինի:

 Մի քանի վիճակագրական տվյալներ.

1. ՀՀ բնակչությունը 2001թ.` 3,002,594 մարդ,
2. Երևանի բնակչությունը 2001թ.` 1,091,235 մարդ,
3. Սյունիքի մ. բնակչությունը 2001թ.` 134,061 մարդ,
4. Լեռնաձոր գ. բնակչությունը 2001թ.` 430 մարդ:                                                                          

Փաստորեն մենք պակասել ենք :(

Տոնդ շնորհավոր իմ թանկագին ուսուցիչ!

 Կառավարության որոշմամբ այսուհետև հոկտեմբերի 5-ը համարվում է ուսուցչի տոն: Եվ այսպիսով, շնորհավոր տոնդ ուսուցիչ! Շնորհավորում եմ Լեռնաձորի հիմնական դպրոցի բոլոր ուսուցիչների տոնը և ցանկանում երկար դասավանդման տարիներ ու սիրող աշակերտներ: Առանձնապես շնորհավորում եմ իմ առաջին ուսուցչի` ընկեր Ավետիսյանի, տոնը: Սեփական փորձից գիտեմ, թե ինչ կարևոր է ունենալ բարի ու  հոգատար առաջին  ուսուցիչ և դրա համար անչափ շնորհակալ եմ ընկեր Ավետիսյանին: Ընդհանրապես անչափ մեծ շնորհակալություն Լեռնաձորի դպրոցի բոլոր ուսուցիչներին, նրանց սիրո, համբերատարության և օգնելու պատրաստակամության համար: Ձեր այդ եռանդը ստիպեց մեզ սովորել, սովորել ու սովորել ... և կերտել մեր պայծառ ապագան:

21.09.2011, Հայաստանի Հանրապետություն

Բոլորեց Հայաստանի անկախ Հանրապետության 20 ամյակը...Ծննուդդ շնորհավոր մեր սիրելի Հայաստան! 1991 թվականի սեպտեմբերի 21-ին Հայաստանը անջատվեց ԽՍՀՄ-ից և այսպիսով կազմավորվեց մեր նոր, ազատ ու անկախ երրորդ հանրապետությանը: Այսօր` 2011 թվականի սեպտեմբերի 21-ին, ամբողջ Հայաստանը տոնում է անկախացման 20 ամյակը: Այս 20 տարիների ընթացքում հայ ազգը անցել է բազմաթիվ փորձությունների միջով` պատերազմ, մութ ու ցուրտ տարիներ, բայց մենք միշտ եղել ենք, կանք ու կլինենք! Այս տարիների ընթացքում ունեցել ենք նաև ձեռքբերումներ` Հայաստանը 1992թ. մարտի 22-ից ՄԱԿ-ի անդամ է, իսկ 1999թ հուլիսի 1-ից ուժի մեջ է մտել Եվրոպայի հետ համագործակցության պայմանագիրը: 1992թ. հունվարի 28-ին կազմավորվել է Հայկական Բանակը, որը այսօր զարմացրեց իր հիանալի զորահանդեսով:

Կազմակերպվել էին նաև տարբեր միջոցառումներ ինչպես Երևանում, այնպես էլ մարզերում: 

Սեպտեմբեր.....

 Վերջապես բարով-խերով անցավ Սեպտեմբերի մեկը! Ամեն մի դպրոցում կամ համալսարանում այն նշվեց յուրովի, ամեն մի հաստատություն ունեցավ իր առաջին կուրսեցիներն ու առաջին դասարանցիները: Ցավոք սրտի այս տարվա առաջին կուրսեցիներն քիչ էին:
Համոզված եմ, որ Լեռնաձորի դպրոցում մեծ ուրախությամբ են դիմավորել սեպտեմբերն ու դասերը, ափսոս ես չկայի:( Ինչևիցէ, հուսով աշակերտները շուտ կվարժվեն դասաժամային ռեժիմին և սեպտեմբերյան խանդավառությամբ կդիմավորեն մնացած օրերը...

ԲլոգԴեյ...

 Մեկ անգամ ևս շնորհավորենք բլոգերների տոնը...վերջիվերջո այսօր նրանց օրն է :)) Թող նրանց մտքերն ու բլոգները ծլեն ու ծաղկեն, կարդացողների թիվը անընդհատ աճի, իսկ բլոգի պոստերը դառնան ավելի ու ավելի հետաքրքիր!!!
 Մի փոքր ակնարկ բլոգի ու նրա ստեղծման պատմության մասին. բլոգը նախկինում եղել է վեբլոգ(weblog-web և log բառերից), որը հորինել է Jorn Barger-ը, այնուհետև այն ձևափոխվել է բլոգի(blog) Peter Merholz-ի կողմից:
 Իսկ բլոգերների միջազգայն օրը դարձել է օգոստոսի 31-ը, քանի որ այն բլոգ բառի "թվային" տարբերակն է` 3108(Blog):

իրական Լեռնաձոր...

 26 օգոստոսի, Երևան .... արև, շոգ, կարճաթև շորեր...
 26 օգոստոսի, Լեռնաձոր .... մառախուղ, անձրև, սվիտերներ ( մի քանի հատ:D )
 Մենք գտնվում ենք ծովի մակարդակից 1600մ բարձրության վրա և այս "գեղեցիկ" ամառային օրով այստեղ իրոք շաաաաատ ցուրտ է : Եղանակը արդեն մի քանի օր է այսպիսին է և դեռ մի քանի օր էլ կշարունակվի, բայց մենք չենք հանդուրժի, որ այն փչացնի մեր տրամադրությունը և Սեպտեմբերի 1-ին բարձր տրամադրությամբ կգնանք դպրոց, մանկապարտեզ կամ համալսարան: Համոզված եմ, որ այս օրերին բոլորը պատրաստվում են Սեպտեմբերի 1-ին, ուստի խորհուրդ կտայի նույնիսկ չմտածել եղանակի մասին... Սեպտեմբերի 1-ին արևը կժպտա մեզ, ինչպես ամեն տարի :)   

Լեռնաձորի ուրանը....

 1970-ական թվականներին ռուսական հետազոտողները հայտնաբերել են 30,000 տոննա ուրանի պաշարներ Լեռնաձորում: Բայց հանքը չի շահագործվել: 2009 թվականի օգոստոսի 5-ից «Հայ-ռուսական լեռնահանքային կազմակերպություն» ՓԲԸ-ն սկսել է հետազոտական աշախատանքները Լեռնաձորի շրջակայքում, իսկ Լեռնաձորի բնակչությունը խուճապի է մատնված և մինչև օրս ապրում է անորոշության մեջ: Ահա մի քանի հղումներ, որոնք ավելի մանրամասն տեղեկություններ կտան հետաքրքրվողներին.
http://www.ecolur.org/hy/news/nuclear-energy/uranium-prospecting-in-lernadzor-temporarily-stopped/1873/
http://en.wikipedia.org/wiki/Lernadzor
http://www.armenianow.com/hy/features/23378/armenian_village_lernadzor_uranium_mines

Դպրոց...թանկագին դպրոց...

 Դպրոցական տարիներ...ցանկացած մարդու կյանքում ամենաթանկագին հուշը: Դպրոցում է անցել մեր մանկությունը, այստեղ ենք մենք առաջին անգամ ձեռք բերել ընկերներ ու սիրահարվել...Անհոգ մանկություն, երջանիկ պատանեկություն և հասունություն` դպրոցական հիանալի 10 տարիներ: Ամեն անգամ դպրոց վերադառնալիս ակամայից վերհիշում ես բոլոր քաղցր պահերը, որոնք պարգևել է դպրոցը....այս անգամ էլ էր այդպես. դպրոցի դռները ինչպես միշտ բաց են և այստեղ միշտ ուրախ են հյուրերին: Ահա մի քանի նկար իմ հարազատ դպրոցից`

Ողջույն դպրոց!

դասամիջոցին պարապ չէինք մնում:)

 իմ առաջին դասարանը...ճիշտ է այդ ժամանակ այն այլ տեսք ուներ:)

մեր հին ընկերը...

ամեն մեկն թող ապրի իր համար!

a walk...

 That was yesterday....Me and my friend decided to go for walk. Sky was cloudy and weather was cold, but it didn't stop as! We clothed warmer, took a camera and went out. Rate the pictures we have done!

More about Lernadzor...

 Ok ... we pass the official part of introduction, so now a little more about life in Lernadzor. Personally I haven't been in Lernadzor for a year, but I think nothing will be changed(deep in the heart I hope something changed).     
 Life here is simple: wake up at 7:30am, go to work, come back at 5:30pm, have a rest and go to bed at 10:00pm. This is a simple regime of people in Lernadzor.
 But, and here is comenig the main aspect, the other side of this simple life: here is so peaceful, calm and silent that you starting to feel "Life is beautiful!".
 So I'm going to test my feelings in Lernadzor, because I'm already tired of this hot, noisy and fashionable city, where I live.
 

Բարի գալուստ Լեռնաձոր!

  Թանկագին հյուր, քեզ ողջունում է Լեռնաձոր գյուղի բնակչությունը: Մեր ոչ մեծ գյուղը գտնվում է Սյունիքի մարզում` Քաջարան քաղաքից 2 կիլոմետր դեպի արեվելք: Լեռնաձորը տարբերվում է մյուս գյուղերից իր բացառիկ բնությամբ, բնակչության բարեհոգությամբ եվ հյուրընկալությամբ: Այստեղ կարելի է հանդիպել կրթված եվ բարեհամբյուր մարդկանց, ովքեր կընդունեն քեզ որպես հյուրի ու հրաժեշտ կտան որպես հարազատի:
  Լեռնաձոր գյուղի հիմնական առավելություններից է Լեռնաձորի հիմնական դպրոցը, որի տնօրենն է Ռոբերտ Գրիգորյանը: Նրա բարձր հովանու ներքո Լեռնաձորի դպրոցը ավարտել են հիանալի աշակերտներ, որոնք ապագայում դարձան որակյալ մասնագետներ: Այժմ էլ, անկախ ժամանակից, դպրոցի դռները բաց են բոլորի առջեվ:
  Այսպիսով, թանկագին հյուր մենք սպասում ենք քեզ!